ENG GEO
რეგისტრაცია
სიახლეები - გამოცხადდა კინოფესტივალების დაფინანსების კონკურსი

გამოცხადდა კინოფესტივალების დაფინანსების კონკურსი

26.09.2017
კინო ფესტივალების დაფინანსების სქემის პრიორიტეტებია: აუდიტორიის განვითარება, რეკლამა, აუდიოვიზუალური პროდუქციის პოპულარიზაციისათვის მიმართული ღონისძიებები, რომლებიც ევროპული აუდიოვიზუალური პროდუქტისადმი ინტერესის გაღვივებასა და კინოპროდუქტზე მაყურებლის წვდომადობას ემსახურება. 

მედია ქვეპროგრამა აფინასებს ფესტივალის შემდგომ აქტივობებს:
  • ინიციატივებს, რომლებიც ევროპულ აუდიოვიზუალურ სფეროს წარმოაჩენენ და მათ პოპულარიზაციას უწყობენ ხელს
  • აქტივობებს, რომლებიც ევროპული კინოპროდუქციის მიმართ  მაყურებლის ინტერესს აღვივებენ  
 
ვის შეუძლია განაცხადის შეტანა
  • ფესტივალის მხარდაჭერაზე განაცხადის შეტანა შეუძლიათ იმ იურიდიულ პირებს, რომელთა საფესტივალო პროგრამა ღიაა პარტნიორებთან ურთიერთთანამშრომლობისათვის
  • ფესტივალი უნდა თანამშრომლებდეს და ერთობლივ აქტივობებს ეწეოდეს იმ ქვეყნებთან ერთად, რომლებიც არ არიან მედია ქვეპროგრამის მონაწილენი. ასევე ორგანიზაციებთან UNESCO, ევროპის საბჭო, ეკონომიური ურთიერთთანამშრომლობის ორგანიზცია, Wordl Intellectual Property.
 
ფესტივალი უნდა აკმაყოფილებდეს შემდეგ კრიტერიუმებს
  • საფესტივალო პროგრამაში უნდა ჰქონდეს მხატვრული, დოკუმენტური, ანიმაციური ფილმები, რომლებიც საზოგადოების ფართო ფენის, მაყურებლის ინტერესს იწვევს
  • ფესტივალზე აკრედიტირებულები უნდა იყვნენ კინოპროფესიონალები და ჟურნალისტები სხვადახვა ქვეყნიდან
  • ფესტივალი წლის რომელიმე განსაზღვრულ დროს და ერთსა და იმავე ადგილას უნდა ტარდებოდეს
  • ფესტივალს უნდა ჰქონდეს მყარი რეგულაციები - საკუთარი კონცეფცია და ფილმების შერჩევის სისტემა
  • საფესტივალო პროგრამაში ნაჩვენები ფილმების 70% მედია ქვეპროგრამაში ჩართული ქვეყნების კინოპროდუქციას უნდა წარმოადგენდეს
  • ფესტივალზე მედია ქვეპროგრმის 15 ქვეყანა მაინც უნდა იყოს წარმოდგენილი
  • ფესტივალზე ნაჩვენები ფილმების 50% სხვა ქვეყნების კინოპროდუქციას უნდა წარმოადგენდეს
 
დაფინანსების კრიტერიუმები
წარდგენილი პროექტის რელევანტობა 30 ქულა
  • მაყურებელზე მიმართული ღონისძიებანი, ონლაინ აქტივობა, ციფრული ტექნოლოგიების გამოყენება, აქტივობანი სოციალურ მედიაში, მაყურებელში კინოს პოპულარიზაციისადმი მიმართული ღონისძიებანი
ფესტივალის შინაარსობლივი ხარისხი 30 ქულა
  • ფესტივალზე წარმოდგენილი ფილმების კულტურული და გეოგრაფიული მრავალფეროვნება
ფესტივალის მასშტაბის ხარისხი 30 ქულა
  • მაყურებლის რაოდენობა, პროფესიონალთა ფართო მონაწილეობა და მათი წვლილი ევროპული კინოპროდუქციის გავრცელებაში
ფესტივალის სამუშაო ჯგუფის ორგანიზებულობა და ქმედითუნარიანობა  10 ქულა
  • ფესტივალის საორგანიზაციო ჯგუფში დასახული სამუშაო ამოცანების განაწილების ხარისხი სპეციალურ ამოცანებთან მიმართებაში
 
დაფინანსება ფესტივალზე ნაჩვენები ევროპული ფილმების რაოდენობაზეა დამოკიდებული  ფესტივალის მასშტაბიდან გამომდინარე შესაძლებელია 19.000 ევროდან  75.000 ევრომდე დაფინანსების მოთხოვნა
მაგალითად ფესტივალმა,  რომლის პროგრამაში  40 ევროპული სრულმეტრაჟიანი მხატვრული ფილმია,   შეიძლება მოითხოვოს  27.000 ევრო,  40-60 სრულმეტრაჟიანი ფილმი 35.000 ევრო და ა.შ.
 
ბიუჯეტი
3,2  მილიონი ევრო
პროექტის ხანგრძლივობა
12 თვე
* კონკურსი ცხადდება წელიწადში ორჯერ
*განაცხადის სააპლიკაციო ფორმა ელექტრონულია ე.წ. E Form.
დაფინანსების შესახებ განაცხადის გასაკეთებლად უნდა დარეგისტრირდეთ ევროკომისიის პორტალზე, დარეგისტრირების შემდეგ მიიღებთ საინდეტიფიკაციო კოდს ე. წ. PIC ( Participant Identification Code), ამის შემდეგ შეგიძლიათ დაიწყოთ აპლიკაციის შევსება, შევსებულ აპლიკაციას თან უნდა ერთვოდეს ყველა მოთხოვნილი საბუთი
  
სრული ინფორმაცია დაფინანსების სქემის შესახებ