გამარჯვებული პროექტები
ევროპის თეატრალური ლაბორატორია: თეატრი ხვდება ციფრულ ტექნოლოგიას

პროექტირს ხანგრძლივობა: ოქტომბერი 2016 - სექტემბერი 2018

დადგი შენი ქალაქი პარტნიორი თეატრების პროექტია ნენსი-ლორანის ნაციონალური დრამატული ცენტრის, Théâtre de la Manufacture ( საფრანგეთი), ბადენის სახელმწიფო თეატრის, კარლსრუე (გერმანია) და კოტე მარჯანიშვილის სახელობის სახელმწიფო დრამატული თეატრის (საქართველო). პროექტი ევროპული თეატრალური კონვენციის კო-პროდუქციაა და ხორციელდება ევროპული თეატრალური ლაბორატორიის პროექტის ფარგლებში: თეატრი ხვდება ციფრულ ტექნოლოგიებს. ევროპის თეატრალური ლაბორატორია ევრო-გაერთიანების შემოქმედებითი ევროპის პროგრამის მიერ არის თანადაფინანსებული.

დადგი შენი ქალაქი ორ ტრენდის შერწყმაა, ერთის მხრივ, ციფრული ტექნოლოგიების და მეორეს მხრივ, მონაწილეობითი თეატრის. იგი იყენებს გაძლიერებულ (AR), შერეულ და ვირტუალურ რეალობას, 360 °-ანი ვიდეოს, თამაშების ელემენტებს და მოიცავს ქალაქის ტურს, სადაც მონაწილეებს მეგზურობას აპლიკაცია უწევს. მონაწილეობითი მიდგომა აუდიტორიას აძლევს საშუალებას ჩაერთოს შემოქმედებით პროცესში და თვითონაც იპოვოს გზა ამ მომავლის დისტოპიური ზღაპრიდან, სადაც ქალაქს ხელოვნური ინტელექტის ზიგმაგორას ბატონობა ემუქრება. მონაწილეები ინტერაქტიულად იკვლევენ თავიანთ ქალაქს და ყურადღებას ისეთ თემებზე ამახვილებენ, როგორებიცაა ჯანმრთელობა, უსაფრთხოება, იდენტობა და სიყვარული.

Opera(e)Studio

Opera(e)Studio-მ, რომელიც Auditorio de Tenerife-ს, თბილისის ოპერის თეატრისა და ბოლონიის Teatro Comunale-ს ერთობლივი პროექტია, კონკურსში გაიმარჯვა 2018 წელს, ხოლო მისი განხორციელება დაიგეგმა 2018 წლის 1 დეკემბრიდან 2020 წლის 30 ნოემბრამდე.

პროექტი მიზნად ისახავს ახალგაზრდა ვოკალისტების პროფესიული განვითარების ხელშეწყობას, ევროპის ბაზარზე არსებული სტანდარტების  შესაბამისად. პროექტის კულმინაციაა თანაპროდუქცია - დონიცეტის ოპერა „სიყვარულის ნექტარი“, რომელიც ნაჩვენები იქნება პროექტში მონაწილე თეატრებში.

2019 წლის თებერვალში, საერთაშორისო მოსმენების შედეგად შეირჩა 10 ახალგაზრდა მომღერალი 7 ქვეყნიდან. კონკურსის წესით შეირჩა  სპექტაკლის „სიყვარულის ნექტარი“- ს სადადგმო ჯგუფიც.

პროექტის განხორციელების ეტაპები: ა). მოსმენების გამოცხადება სოციალურ ქსელებში, ოპერის თეატრებსა და სააგენტოებში; ბ). საერთაშორისო მოსმენების ჩატარება პროექტის მონაწილეების შესარჩევად (მადრიდი, ტენერიფე, თბილისი, ბოლონია); გ). რეზიდენცია ტენერიფეში - ერთთვიანი ინტენსიური კურსი ვოკალში, სამსახიობო ხელოვნებში; დ). პროფესიული მასტერკლასები მონაწილე მომღერლებისთვის სამივე ქვეყანაში; ე). ღია კარის დღეები ახალგაზრდებისთვის, კონცერტები უმაღლეს სასწავლებლებში და სხვა ალტერნატიულ სივრცეებში სამივე ქვეყანაში; ვ). თანაპროდუქციის „სიყვარულის ნექტარი“ საპრემიერო სპექტაკლები ტენერიფეში, თბილისსა და ბოლონიაში.

ტენერიფეში აქტივობები ჩატარდა 2019 წლის 6 სექტემბრიდან 27 ოქტომბრის ჩათვლით;

თბილისში ღონისძიებები განხორციელდა 2020 წლის 3 თებერვლიდან 1 მარტის ჩათვლით;

კორონა ვირუსთან დაკავშირებით შექმნილი ვითარების გამო გადაიდო ბოლონიის თეატრში ამა წლის 26 მარტიდან 11 აპრილის ჩათვლით დაგეგმილი ღონისძიებები.

პროგრამაში „შემოქმედებითი ევროპა“ მონაწილეობის შედეგად თეატრმა მიიღო მდიდარი გამოცდილება, როგორც დონორ ორგანიზაციებთან ურთიერთობის, ასევე ერთობლივ, საერთაშორისო პროექტებზე მუშაობის კუთხით.

სიახლეები
ევროპარლამენტმა ევროკავშირის ახალი კულტურული პროგრამა დაამტკიცა

ევროკავშირის კულტურული და შემოქმედებითი სექტორებისთვის დაახლოებით 2.5 მილიარდი ევროს ინვესტიცია განხორციელდება.

ახალი პროგრამის ფარგლებში მეტი ყურადღება მიექცევა მუსიკას, ინკლუზიას, ასევე ქალთა ტალანტის გამოვლენასა და პოპულარიზაციას.

წელს პირველად იქნება მხარდაჭერილი მედიის ახალი ამბების მიმართულებაც.

დაფინანსება პირველ რიგში  ხელოვნებისა და კულტურის დარგში COVID-19– ისგან მიყენებული ზიანის გამოსწორებას მოხმარდება.

ახალი პროგრამა, რომლის ბიუჯეტი 2014-2020 წლების მონაცემთან შედარებით გაორმაგებულია, განახორციელებს 2,5 მილიარდი ევროს ინვესტიციას ევროკავშირის კულტურისა და შემოქმედებით სექტორებში. ევროპარლამენტის დეპუტატები ერთობლივად აღიარებენ კულტურის სექტორის მნიშვნელობას და მზადყოფნას გამოთქვამენ იზრუნონ კოვიდ-19-ის პანდემიისგან მიღებული ზიანის გამოსწორებაზე, რის შედეგადაც არაერთმა კულტურულმა და მუსიკალურმა დაწესებულებამ მთელი ევროპის მასშტაბით ფუნქციონირება შეწყვიტა.

დაფინანსების მნიშვნელოვნად ზრდის პარალელურად, ევროპარლამენტის დეპუტატებმა ყურადღება გაამახვილეს ინკლუზიაზე, თანამედროვე და ცოცხალი მუსიკის სექტორის მხარდაჭერაზე (რომელიც ყველაზე მეტად დაზარალდა პანდემიისგან), ასევე მცირე  ზომის პროექტების თანადაფინანსების საჭიროებაზე.

საბჭოსთან მოლაპარაკებების პროცესში, ევროპარლამენტარებმა პროგრამაში ასევე ჩართეს ქალთა ნიჭის პოპულარიზაციისა და მათი მხატვრული და პროფესიული კარიერის მხარდაჭერის ვალდებულება. ქალები კვლავინდებურად ნაკლებად არიან წარმოდგენილნი კულტურის, მხატვრულ და შემოქმედებით დაწესებულებებში გადაწყვეტილების მიმღებ პოზიციებზე.

”შემოქმედებითი ევროპის”  დაფინანსების უდიდესი წილი (1,4 მილიარდი ევრო) მოხმარდება მედიის მიმართულებას, რომელიც ხელს უწყობს ევროპული ფილმების და აუდიოვიზუალური შემოქმედების  განვითარებას, პოპულარიზაციას და გავრცელებას ევროპასა და მის ფარგლებს გარეთ.

კულტურის მიმართულება მხარს უჭერს ტრანსსასაზღვრო კულტურულ და შემოქმედებით პროექტებს - თანამშრომლობას (ქსელები, პლატფორმები, ინოვაციური პროექტები) ორგანიზაციებსა და პროფესიონალებს შორის ისეთ სფეროებში, როგორიცაა მუსიკა, წიგნები და ევროპული ლიტერატურის, არქიტექტურის პოპულარიზაცია, ასევე ევროკავშირის კულტურული პრიზები და ინიციატივები.

მესამე, სექტორთაშორისი მიმართულებით, პირველად იქნება მხარდაჭერილი ახალი ამბების მედიის სექტორი, რაც ხელს შეუწყობს მედიაწიგნიერების, პლურალიზმის, პრესის თავისუფლებისა და  ჟურნალისტიკის განვითარებას, ასევე დაეხმარება მედიას, რათა უკეთ გაუმკლავდეს თანამედროვე ციფრულ ტექნოლოგიებთან დაკავშირებულ გამოწვევებს.

გაიგე მეტი ...!
გზამკვლევი

ეს იმფორმაცია დაგეხმარებათ პროგრამაში "შემოქმედებითი ევროპა" მონაწილეობისათვის იმ აუცილებელი ნაბიჯების გადადგმაში რომელიც პროექტის იდეიდან მისი წარმატებით განხორციელებისათვის უნდა გაიაროთ.

გაიგე მეტი ...!
სხვა პროგრამები და ორგანიზაციები
ხშირად დასმული შეკითხვები
გამარჯვებული პროექტები
გაეცანით პროგრამის "შემოქმედებითი ევროპა" შესახებ ხშირად დასმულ კითხვების პასუხებს
გაიგე მეტი ...!
ინფორმაცია სხვა ორგანიზაციებისა და პროგრამების მიერ გამოცხადებული კონკურსების შესახებ კულტურისა და აუდიოვიზუალურ სფეროში
გაიგე მეტი ...!