დოკუმენტური კინოს საერთაშორისო ფესტივალი CinéDOC-Tbilisi (Noosfera Foundation) შემოქმედებითი ევროპის პროგრამაში 2016 წელს ჩაერთო, კინოფესტივალი 2016 წლიდან ყოველწლიურად იღებს დაფინანსებას და პროგრამის Creative Europe ექვსგზის ბენეფიციარია.
CinéDOC-Tbilisi პირველი საერთაშორისო დოკუმენტური კინოს ფესტივალია სამხრეთ კავკასიაში, რომლის მიზანი დოკუმენტური კინოს პოპულარიზაციაა. ფესტივალის პირველი შვიდი გამოშვება 2013- 2019 წლებში ჩატარდა, 2020 წელს პანდემიის პირობებში ფესტივალის მერვე გამოშვება 30 აგვისტოსა და 30 სექტემბრის შუალედში გაიმართა ჰიბრიდული ფორმით.
კინოფესტივალის მიზანია საქართველოში მცხოვრებმა მაყურებელმა უახლესი ქართული, რეგიონული და საერთაშორისო შემოქმედებითი დოკუმენტური ფილმები გამორჩეული პროგრამისა და სპეციალური ღონისძიებების მეშვეობით იხილოს კინოთეატრების ეკრანაბზე.
ფესტივალის ორგანიზატორთა საკვანძო ღირებულებები ასევე ადამიანთა უფლებების სწორ გააზრებასაც მოიაზრებს და კინოჩვენებებისა და დისკუსიების საშუალებით საქართველოში მცხოვრებ მაყურებელს მრავალ მნიშვნელოვან პრობლემაზე დააფიქრებს.
კინოფესტივალი სამოქალაქო საზოგადოების ორგანიზაციებთან თანამშრომლობით მართავს კინოჩვენებებსა და დისკუსიებს თბილისსა და საქართველოს რეგიონებში, ორგანიზებას უწევს პროექტს Civil Pitch, რომლის ფარგლებშიც არასამთავრობო ორგანიზაციები მათთვის მნიშვნელოვან პრობლემებზე ქმნიან შემოქმედებით დოკუმენტურ ფილმებს რეჟისორებთან თანამშრომლობით.
